من حفل التوقيع بالمنصورة
هنا وانا عامل مش واخد بالي
وهنا وانا عامل (قال إيه يعني) مندمج
دي بقى بجد .. مش عارف ليه بس حاسسني مندمج فعلاً
حلوه (حاسسني) دي
زي ما انتوا عارفين خطي وحش جداً وهنا بقى بحاول احسن خطي أحسن ما يدخلوني الكتاب من تاني
تقليدي
هنا مش عارف ليه شكلي مستعجل حبتين
...
..
.
.
انا متشكر جداً لكل الناس اللي حضروا سواء من المنصورة أو من البلاد المجاورة
كان يوم جميل بوجودكوا
5 comments:
ألف مبرووووووووك يادرش
والله فرحت لك وكان بودي احضر اللقاء
بس صلاح اكيد قام بالواجب
عموما انا هشتري الديوان ان شاء الله
دمت مبدعا
في حفظ الله
ايوه ايوه
انا لما رجعت البيت ابص فى التوقيع بتاعك قلت ايه ده؟خطه وحش زيي خطي
يمكن عشان بلدياتي ولا اهي
مبروك يا استاذ مصطفى وربنا يوفقك ان شاء الله
انا قريت الديوان كله النهارده
وربنا يوفقك فعلا حاجات كتير عجبتنى
قلم رصاص:
كأنك جيت بالظبط يا جميل ... وصلاح قام بأكتر من الواجب بصراحة .. وأحلى حاجه عملها انه عرفني عليك وعلى كل الناس الجميلة دي
صبرني يا رب:
لعلمك العباقرة كلهم كده.. بيحبوا يكون خطهم وحش.. ولعلمك بقى انا خطي حلو بس دي حركة عشان لما اتشهر وكده يقولوا عليا سبحان الله مع انه كان خطه وحش إلا انه كان شاعر فوق العبقري بشوية
واحلى حاجه بقى اني متواااااضع جدا وعمري ما شكرت ف نفسي خالص
(واحد مطلع لسانه(
شرفني وجودك في الحفلة يا جميل وان شاء الله نتقابل تاني
بجد مش عارفه اقولك ايه يا مسطفى
انا فرحانه وزعلانه ف نفس ذات الوقت
فرحانه عشان حفل التوقيع والديوان اللى اكيد كان جميل زى صاحبهوزعلانه عشان محضرتش حفل التوقيع
بجد زعلانه بس تأكد انه مش بمزاجى انى مجيش
لكن سيبك منى
الف الف مبروك
كرانيش بنفسها عندي انا مش مصدق
بس قبل اي حاجة .. يعني من كتر الاستعجال كتبتي مصطفى كده (مسطفى) .. ههههه
ثانياً ما تزعليش نفسك خالص يا فندم
حفل التوقيع التاني ان شاء الله في القاهرة في مكتبة البلد يوم الخميس الجاي 13/8/2009 الساعة 7 مساءً
وطبعا مكتبة البلد بجوار كافيه سيلانترو في التحرير في الشارع اللي فيه الجامعة الأمريكية
ولا تزعلي نفسك خالص .. واظن في الحالة دي لو ماجيتيش انا اللي هازعل
Post a Comment