أخبار

Monday, December 14, 2009

مناقشة "حدوتة الشاطر .. مافيش" في قصر ثقافة المنصورة








ان شاء الله سيتم مناقشة ديوان "حدوتة الشاطر .. مافيش" بنادي أدب قصر ثقافة المنصورة، غداً الثلاثاء الموافق 15/12/2009 في تمام السابعة مساءً ...
.........


لينك الإيفنت على الفيس بوك:
http://www.facebook.com/event.php?eid=202821821268


Monday, December 7, 2009

حدث شعري غنائي بالمنصورة





أدعوكم لحضور الأمسية الشعرية الغنائية التي تقام في مكتبة بوكس اند بينز بالمنصورة يوم الجمعة القادم 11/12/2009

وذلك في تمام الساعة السابعة مساءً..



لشعراء العامية

1- سالم الشهباني
http://salem-abomazen.blogspot.com/

2- عمرو حسن
http://3mr7assan.blogspot.com/

3- يحيى قدري
http://www.facebook.com/group.php?gid=26896151710

4- محمد أبو الفتوح
http://www.facebook.com/group.php?gid=100218259497&ref=ts

5- مصطفى حسان
http://hartalah.blogspot.com
http://www.facebook.com/group.php?gid=100218259497&ref=ts#/group.php?gid=95253743886&ref=ts
http://www.facebook.com/group.php?gid=100218259497&ref=ts#/pages/-/148104031873?ref=share

Saturday, November 21, 2009

تأجيل ميعاد مناقشة الديوان

أعتذر عن تأجيل ميعاد مناقشة ديوان "حدوتة الشاطر .. مافيش" والتي كان من المقرر أن تتم غداً الأحد 22/11 وذلك لظروف قهرية، وسأخطركم إن شاء الله بالميعاد فور تحديده

Friday, November 13, 2009

مناقشة "حدوتة الشاطر .. مافيش" في قصر ثقافة المنصورة


سيتم ان شاء الله مناقشة ديواني الأول "حدوتة الشاطر .. مافيش" يوم 22/11/2009 في تمام الساعة السابعة مساءً بنادي أدب قصر ثقافة المنصورة
...
..
.
يشرفني تواجدكم
..
لينك الإيفنت على الفيس بوك

Sunday, September 13, 2009

اعتذار.. شوية أخبار ... قصيدة

أعتذر أولاً عن هذه الغيبة، وثانياً أنا جاي ومعايا شوية أخبار أعتقد ان هي السبب في
الغيبة دي إلى حد ما:
حصلت على المركز الثاني في مسابقة ساقية الصاوي وطبعا المسابقة كانت ضمن
مهرجان العامية الثالث اللي الساقية بتقيمة كل سنة
أقام اتيلية القاهرة احتفالية للعشرة الفائزين بالمسابقة يوم الثلاثاء الماضي
تقيم مكتبة نفرو يوم الأربعاء القادم الساعة التاسعة مساءً احتفالية بالعشرة الفائزين في المسابقة
العنوان:
ش معروف_وسط البلد
وإلى أن نلتقي
قصيدة مبررات منطقية جداً ... من مهرجان العامية الثالث.. ساقية الصاوي


Friday, August 14, 2009

من حفل التوقيع بمكتبة البلد

بصراحة مش عارف انا كنت باصص فين؟
واضح ان الناس مركزة.. شكلي كنت بقول كلام مهم




خدتوا بالكوا من الصباع ده؟!




ده شاعرالعامية/ وائل فتحي بس مش عارف الصباغ مصورة من قفاه ليه؟





ده بقى جزاء اللي ما يسمعش كلام ماما ويكتب شعر



الكاتب الساخر/ أشرف توفيق
عدسة/ أحمد الصباغ

Tuesday, August 11, 2009

حفل توقيع "حدوتة الشاطر..مافيش" بمكتبة البلد


ان شاء الله حفل توقيع الديوان في مكتبة البلد يوم الخميس القادم 13/8/2009 الساعة السابعة مساءً
عنوان المكتبة: 31 محمد محمود - ميدان التحرير - بجوار كافيه سيلانترو
لينك جروب الديوان على الفيس بوك:
............................................................
تذييل هام:
أولاً: عاوز اشكر كل الناس اللي شرفوني في حفل التوقيع الخميس اللي فات في المنصورة وان شاء الله اكون على قدر الثقة الغالية دي
ثانياً: كل المدونين اللي حضروا اللقاء التدويني اللي كان أكثر من رائع يوم السبت اللي فات في حديقة الأزهر.. بجد أشكركوا جداً على هذا الإهتمام وأتمنى أكون على قدره
ثالثاً وأخيراً: اليوم السابع تكتب عن "حدوتة الشاطر.. مافيش"
لينك الخبر:

Thursday, August 6, 2009

من حفل التوقيع بالمنصورة


هنا وانا عامل مش واخد بالي

وهنا وانا عامل (قال إيه يعني) مندمج



دي بقى بجد .. مش عارف ليه بس حاسسني مندمج فعلاً
حلوه (حاسسني) دي





زي ما انتوا عارفين خطي وحش جداً وهنا بقى بحاول احسن خطي أحسن ما يدخلوني الكتاب من تاني



تقليدي



هنا مش عارف ليه شكلي مستعجل حبتين
...
..
.
.
انا متشكر جداً لكل الناس اللي حضروا سواء من المنصورة أو من البلاد المجاورة
كان يوم جميل بوجودكوا




Saturday, August 1, 2009

حفل توقيع ديواني: حدوتة الشاطر .. مافيش... يوم الخميس القادم بالمنصورة


حفل توقيع ديوان: حدوتة الشاطر .. مافيش يوم الخميس القادم 6/8/2009 الساعة السابعة مساءً بمكتبة بوكس اند بينز، 7 ش جزيرة الورد - المشاية السفلية - أمام نادي الجزيرة - المنصورة.
.............................................................................................................
أماكن التوزيع
:القاهرة
البلد
دار ليلى
عمر بوك ستورز
الديوان - الزمالك
السندباد
الكتب خان - المعادي
سنابل
الإسكندرية:
دار أكمل مصر
المنصورة:
Books & Beans

Tuesday, July 7, 2009

حدوتة الشاطر.. مافيش... إبني الأول


صدر مؤخراً عن دار المحروسة للنشر والخدمات الصحافية ديواني "حدوتة الشاطر.. مافيش"
دعواتكوا معايا.. ويا رب الديوان يبقى على قدر المستوى

Monday, May 11, 2009

مقاطع من قصيدة -- الــقــهـــوجـــي

القهوجي..
أحسن طريقة للخروج ع النص
أول ما بتميل الصينية فْ إيده
ويَّا المشيه بالخطوة السريعة
يبقى رزع الكبيات هو الإيقاع للرقص..
ع القهوة ليه دايماً تلاقي التسلية في الرص..

رص الحجارة شيء تملّي بيلفت الأنظار
رص الحجارة م الأساس
هو المقاومة لرهبتك م النار

رص الدومين بيقوي إحساس الامتلاك
ويقرب الأحلام
رص الدومين هو الحقيقة شهوتك
للعب بالأرقام
دايماً بيبقى اللعب ع القهوة وسيلة للهروب م الليل
اللعب بالطابق
بيدي فرصة للمخلوق
يجرب متعة التعديل

Thursday, April 9, 2009

Sunday, March 29, 2009

مربعــــــــــــــــــــــــات

لا النوم طرف رمشي
ولا قلت مش قدك
فكي الحصار امشي
ما يغرنيش قدك

وهاتيجي من نفسك
قلبي طرف عينك
ما تغركيش نفسك
ده احنا اللي رافعينك

ده انا قلبي صاد عندك
أول ليالي العيد
عندي قصاد عندك
مين فينا مد الإيد

قلبي زمان قابلك
وانتوا اللي موتوه
وقالوها من قبلك
من فات قديمه يتوه

فمتبعديش بيا
ده انا قلبي صيادك
صيد الطيور غيه
ما يهمني عنادك

هو انتي ليه بعدتي
ده انا قلبي كان أوفر
هاتقولي لو عدتي
"الحرب كر وفر"

يا صعبة الصعبين
واخداني ليه مقاوله
هو غرام تعابين
واللا القريب أولى

ده انا قلبي بيعاني
بكره بنات جيلك
تبقي انتي بايعاني
وكمان انا اجي لك

دي العيشه تصبح مر
واجمع وأطرح كام
ربك إذا يأمر
له في الهوا أحكام

Monday, March 16, 2009

أمسية شعرية

عندي ندوة في مركز طلعت حرب الثقافي يوم 29 مارس الساعة 6 مساءً

وهايكون معايا في الندوة الشاعرة المتميزة سمر إمام

هاكون سعيد جداً بتشريفكوا

Thursday, February 26, 2009