احفظوا الرقم ده 671
يا جماعة الرقم ده مهم جدا
671
671
671
671
671
671
عارفين ده رقم ايه ؟؟
فاكرين الإعلانات اللي كانت بتيجي في التليفزيون اتبرع ولو بجنيه تعاطفك لوحده مش كفاية والكلام القرع ده
الرقم ده بقى اهم من الكلام الفارغ ده كله
عارفين مشكلة الشرق الأوسط
حلها في الرقم ده
عارفين مشكلة فلسطين
حلها برضه في الرقم ده
المهم مش عاوز اطول عليكوا
الرقم ده هايحل أزمة المثقفين في مصر
وهايحل أزمة الشعر
وهايرجع التمثيل الثقفافي لمصر في الخارج
وهاتبقي مصر هي رائدة الثقافة
من الآخر الرقم ده ...
الرقم ده يبقي
هاقول اهوه
هاقووووووووووووووول
ده رقم التصويت بتاعي اللي على قناة فواصل في مسابقة الشعر اللي انا قلت لكوا عليها في البوست اللي فات
طبعا كله هايقلع الجزم ويحدفني بيها الوقتي
يجوز كنت بتتريأ بس والله كل الحاجات اللي فاتت دي من أحلامي فعلا
******
طريقة التصويت
ارسل رسالة تتضمن النص الآتي :
ف 671
وابعتها على الرقم الآتي
9288
*******
671
671
671
671
671
671
عارفين ده رقم ايه ؟؟
فاكرين الإعلانات اللي كانت بتيجي في التليفزيون اتبرع ولو بجنيه تعاطفك لوحده مش كفاية والكلام القرع ده
الرقم ده بقى اهم من الكلام الفارغ ده كله
عارفين مشكلة الشرق الأوسط
حلها في الرقم ده
عارفين مشكلة فلسطين
حلها برضه في الرقم ده
المهم مش عاوز اطول عليكوا
الرقم ده هايحل أزمة المثقفين في مصر
وهايحل أزمة الشعر
وهايرجع التمثيل الثقفافي لمصر في الخارج
وهاتبقي مصر هي رائدة الثقافة
من الآخر الرقم ده ...
الرقم ده يبقي
هاقول اهوه
هاقووووووووووووووول
ده رقم التصويت بتاعي اللي على قناة فواصل في مسابقة الشعر اللي انا قلت لكوا عليها في البوست اللي فات
طبعا كله هايقلع الجزم ويحدفني بيها الوقتي
يجوز كنت بتتريأ بس والله كل الحاجات اللي فاتت دي من أحلامي فعلا
******
طريقة التصويت
ارسل رسالة تتضمن النص الآتي :
ف 671
وابعتها على الرقم الآتي
9288
*******
22 comments:
يا مصطفي يابني كان غيرك اشطر ودليل تعاطف الناس معاك
ان الوحيد اللي بعتلك غيري واحد مبيفهمش عربي
بالتوفيق ياريس
والله يا مصطفى انا مش هتأخر في التصويت
وده وعد
بس اعرف بس ايه هي قناة فواصل دي وانا هخلي الشعب المصري كله يصوتلك :D
وبالتوفيق يارب وابقا طمنا
اه معلش بقى الزهيمر :$
نسيت اقلك كل سنة وانت طيب وعيد فطر سعيد عليك وعلى الامة الاسلامية كلها ياااااااااااااارب :)
ههههههههههههههههههههههههههههههههههههههههههههههههههههههههههههههههههه
انا قلت ايه ممكن يكون الرقم اللى يقصده ؟؟؟؟
عم ديفيد منور المدونة عندك أهوه
واضح انه بيعلمك حاجة لانه كاتب بوست تقريبا
ياللا افرح بقى
خلاص انا هصوتلك ان شاء الله
بس ياريت برضه لو تكتب الرقم بتاع أشرف توفيق عشان أصوتلكم انتوا الجوووووووووووز
حلوة جوز دى ؟؟؟؟؟؟؟؟؟
بس ايه يا عم مصطفى الدرس الجامد اللى لقنتهونى ده
حلوة يلقن دى ؟؟؟؟؟؟؟؟؟؟؟
ده انا اتسرعت لما شفت حجم الكومنت
قلت شكله كده هيكون علقة سخنة :)))))
بس انت قلت برضه كلام صح يعنى منكرش
صحيح هو مش كله يعنى
متفرقش المهم انى رديت عليك ببوست برضه
و يا أقنعك
.
.
يا أقنعك برضه
هههههههه
انا قلت آخد ثواب و امدح تعليقك و امرى لله
( وش مطلع لسانه بقى
ياللا ربنا يوفقكم
و لو حد كسب منكم متنسوش العيدية بقى
كل سنة و انت طيب
عيد سعيد
671
voooooooooooote
Bom fim de semana
على رأى ديفيد
ايه دة ياعم
دة حتى ديفيد سانتوس هيصوت لك
ربنا يوفقك
فعلا اكيد الرقم دة اهم رقم عندك في الحياة
تحياتي وكل سنة وانت طيب
هى فين قناة فواصل دى
والتصويت ده حينتهى امتا
أحمد عبد الحي :
ده على أساس ان تعاطفك لوحده مش كفاية
ياسيدي ربنا يسهل أما بقي عن ديفيد فهو بسم الله ما شاء الله ما سابش مدونة ما علقش فيها ... انا مش عارف مين ديفيد ده أصلا نفسي اعرف الراجل ده عاوز ايه
شكرا على الزيارة يا برنس
*******
ضوء القمر
ما نتحرمش يا جميل ربنا يخليكي يارب
أما عن قناة فواصل فهي قناة خليجية على النايل سات وبعدين انا كاتب طريقة التصويت يعني مالكيش حجة وخلاص حطيت الفيديو والقصيدة عشان ما يبقاش لحد حجه انه مش لاقي القناة أو عاوز يسمع القصيدة الأول ووقت التصويت مفتوح طول اليوم في أي وقت
كل سنة وانتي طيبة
******
إيمي :
لا لا مالكيش دعوة بعم ديفيد خالص ده الكبير بتاعنا .. اول ما حط الكومينت بتاعه فرحت وقلت ياه في حد رد وروحت اشوف مين اول ما شوفت اسمه كنت عاوز اكسر الكمبيوتر
أما عن الكومنت اللي انا حطيته عندك فده عادي والله لسه من شوية حاطط كومنت على موضوع أكتر من تلات صفح فونت 12 ... اصلي كنت مفقوع شوية .. يعني اللي عندك ده اقل كومنت عندي ... واهو برضه تدريب على سرعة الكتابة ( لول )
أما عن موضوع رقم أشرف فأنا ما اقدرش خالص اتكلم عن الموضوع ده لان في شوية حوارات كتير كده يطول شرحها لو عاوزه تعرفيها يبقي منه هو مش مني انا
وهو هايفهمك
*******
أحمد سمير
انت بتقول فيها تصدق انا متهيألى ان الراجل ده لو عرف الكلام اللي انا كاتبه هايروح تاني يوم يعمل كوبي بيست عند كل المدونات اللي في الدنيا وهاتسيط
مافيش مدونه إلا وله كومنت فيها وياريت حد فاهم هو بيقول ايه
حاجه تنقط
*****
ديزرت كات
قناة فواصل دي على النايل سات قناة خليجية والتصويت انا مش عارف هايخلص امتي بالظبط لانهم ما قالوش في القناة لكن اعتقد انه اخر الاسبوع ده لان المسابقة هاتبدأ في دبي يوم 19/10/2007 فلازم يختاروا اللي هايسافروا قبل اليوم ده والنهاردة 15
اي خدمة يا استاذ
انا صوتلك
بس مش علشان انت قلت صوتولي
علشان انت فعلا تستاهل
ربنا يوفقك ان شاء الله
بص انا هابتعتلك التصويت بتاعى مش عشان حاجة دا عشان اسلوب التشويق اللى انت عملته وكلام المختصر اللى دخلت وعلقت بيه
وكل التعليق كان كل سنة وانت طيب
وانت طيب
بس كنا نتمنا انك تقول رائيك
ريال لف
هوه أنا كنت ناوية لك على نية بصراحة لما قريت البوست و حكاية ابعتوا صوتوا اللي في الآخر دي بعد جرعة التشويق و نفاد الصبر اللي في الأول
و كنت عاوزة أعمل بالاقتراح بتاعك بتاع الجزم ده
:-P
بعدين قلت أسمع القصيدة الأول لعل و عسى
أولها عادي و تقليدي مش لفتني أوي
قلت أصبر شوية
لاقيت
" و إن اللي يشطب أي حلم عشان يكون في عيونك انتي المركبة
انسان غبي "
لاقيتني بأتشد و أحس إن التقيل جاي ورا
و لم يكذب ظني
صحيح معظم القصيدة صور مطروقة ، و حالة القصيدة نفسها مطروقة جدااا في أشعار العامية
بالمناسبة مش بأكتب شعر
بس بأقرا شعر كتيير
و قابلت نصك قبل كده في نصوص أخرى
مش كجمل طبعا بنصها
لكن كروح كتابة و كتشكيل تقليدي للصور
انت فاهم أنا بأتكلم في ايه أكييد
لكن
********************
" لكني برضة بأعشقك
علشان ما شفتش موجة بتبص لورا "
" أنا حاسس إن الموج غضب
وان انت كاره أي إحساس بالغضب
علشان كده بتحب ترمي الموج بعيد
و عشان كده أنا لما جيت أشكي الهموم
فكرتني موجة
و رحت عملت سد
أتاريك
مابتكلمش حد "
في رأيي
الجزء ده هوه مجد قصيدتك الحقيقي
اللي فيه بصمتك المميزة جدااا اللي مش موجودة عند حد تاني
الصورة فيها كلية و مبنية بشكل متدرج و متفاعل مع بعضه بطريقة جامدة جدااا
و الفكر اللي واقف ورا الصورة متميز بذاته أصلا
------------------
هوه رغم ضيقي من إن المسابقات اللي زي دي - سواء في الشعر أو الأغاني زي ما كان بيحصل قبل كده - بتتحول لنوع من صراع القوميات
و أنا هأصوت لده عشان مصري
وفلان هايصوت لفلان عشان سعودي
و هكذا
من غير اعتبار حقيقي للقيمة الفنية المطروحة
لكن بيتهيألي وجود مسابقات في الشعر بذاتها حتى لو بدأت كده ،فده مبشر على المدى البعيد لو استمرت
-------------
لو سمعت الجلقات دي
ولاقيت انك أحسن حد قال
فأكيد أكيد هأبعت ع الرقم ده
منتظرين باقي قصايدك و باقي روح الشعر المنثورة في روحك و اللي ليها بصمتها المميزة ، بصرف النظر عن المسابقات :)
ابشرك يا درش اني لاقيت اخيرا قناة فواصل
وفضلت قاعده ليل نهار بردو مش شفتك :P
بهزر اوعا تزعل
انا بجد مش شفتك بس سمعت القصيدة دلوقتي في التوبيك
واذا نجحت في المسابقة الجايزة فيفتي فيفتي انا بقلك اهو :P
بجد ربنا معاك بدعيلك وابقة طمنا
هلا يا عم مصطفى
بقى كنت بتقعد على اندريا
عشان تبقى فى حمى مديرية الإمن
كل سنه وانت طيب
انا كمان جاى القاهره بعد كام يوم استقرار باذن الله
اكيد هشوفك واشرف توفيق وكل البشر الطفشانين من المنصوره اللى احتلوا القاهره
انا عرفت موضوع مسابقة فواصل ده متاخر باين
ايه اخبارها دلوقتى المسابقه وصلت لفين
ربنا معاك يابنى هحاول اعملك حملة دعاية كدة على ادى وربنا يوفقك ان شاء الله
would u plz visit my blog and participate in my poll
i really need ur opinion
with my best regards
شاهي :
إلهي ربنا يكرمك ويوقف لك ولاد الحلال يا رب ويديلك على قد نيتك يا شاهي يا بنت ام شاهي
real love :
أفهم من كده ان انا شعري زباله مثلا؟!
( صورة واحد مطلع لسانه )
شغف :
أولا بغض النظر عن موضوع الجزم ده عشان نبقي حلوين مع بعضينا كده ، شكرا جدا على التحليل الجميل للنص
أما عن رأيك في المسابقات فأنا متفق معاه تقريبا بالكامل حتى بغض النظر عن القومية وكل واحد بيشجع ابن بلده أو حتى صاحبه وخلاص وهو ما يعرفش هو بيقول إيه أساسا المسابقات دي كمان مش منصفه إلى حد كبير عشان موضوع الإس إم إس اللي بيدي للموضوع طابع تجاري أكتر منه أدبي واللي انا مش متفق معاه بالمره بس هانعمل إيه بقي ؟؟
هو احنا لقينا حد بيعمل مسابقات محترمه وقلنا لا ؟
ثم إني ما قدمتش أصلا في المسابقة والحمد لله هم اللي اتصلوا عليا
وأخيرا جميل أوي اني لاقيت حد أخيرا منطقي في رأيه واتجاهه بالنسبه لموضوع انك تسمعي باقي الناس المشاركه ده جميل جدا
وشكرا على الزيارة
ضوء القمر :
أولا كويس انك لاقيتها لانها شكلها أصلا قناة مغموره اما بقي عن إنك مش لقيتيني فولاد الـ .... يللا بلاش نغلط ... بيجيبوا المصريين الساعة 3 الفجر .... ومش بتتعاد بالنهار ..يعني والناس نايمه تخيلي
انا في معايا ناس مصريين غيري فالمصريين كلهم بيجوا متأخر بين الساعة اتنين وتلاته
أما بقي عن فيفتي فيفتي .. يا ستي أي حاجه بس هي تيجي وانا هاظبط أي حد بيدخل المدونة وكمان مدونات الجيران
محمد الهنداوي :
سعادة الباشا بنفسه هنا
يا بني احنا مش محتاجين الأمن في حاجه احنا والحمد لله جامدين قوي يعني بالصلاة ع النبي
يا بني المسابقة بقالها حوالي شهر والوضع مش حلو بصراحه والناس بخيله جدا في موضوع التصويت ده وانا بصراحه عاذرهم عشان كده مش عاوز احس اني تقيل على حد والمصريين اصلا مش مهتمين بالشعر خالص يعني عندك مثلا نجيب سويرس انا فاكر انه كان خلي الرسايل ببلاش في اخر حلقة في ستار اكاديمي لما كان الواد الزفت اللي اسمه عطية ده موجود
ده عشان شوية هلث لكن لو شعر ولا اي حد يعبرك واكننا بنبيع بليلة
قول يا باااااااااسط
أميرة ويلز :
لا لا لا ما تقوليش بقي ان انتي هاتاخدي قرض من خزانة الملكة إليزابيث عشان حملة الدعايا بتاعتي يا بنتي مش لازم تكلفي نفسك ده كله يعني تلاته مليون كتير
لولا الحلفان بس
شكرا على الزيارة ويا ريت تتكر
عملت ايه في المسابقة ووصلت لحد فين؟ ؟ ؟
Post a Comment