أخبار

Tuesday, June 19, 2007

أمير الشعراء .. أكشن تاني مرة ( مصطفى الجزار)



تخيل مين اللي هايكون أمير الشعراء بعد أحمد بك شوقي .. ممكن مايكونش مصري .. إيه
رأيك .. تحب يكون مصري ؟؟
إيه يا عم هي دي محتاجة سؤال طبعا كلنا عاوزينه يبقى مصري .
الموضوع بقى إيه ؟؟
أطلقت دولة الإمارات العربية المتحدة مسابقة أمير الشعراء ، وهي مسابقة على مستوى الوطن العربي لشعر الفصحى ، على غرار مسابقة شاعر المليون للشعر النبطي .
واللي هاياخد المركز الأول بغض النظر عن الجائزة المادية في جايزة معنوية مهمة جدا وهي حصوله على لقب أمير الشعراء
طبعا أنا مش بعلن عن المسابقة ولا حاجه أنا جاي اتكلم في حاجه أهم من المسابقة ، وهي إن في شاعر مصري تم اختياره من ضمن أول 35 على مستوى العالم العربي في مسابقة أمير الشعراء وطبعا الخمسة وتلاتين دول هاتبدأ بيهم المسابقة لحد ما يوصلوا في الآخر لخمس مراكز .. طبعا فخر لأي مصري ان شاعر من مصر يفوز في المسابقة دي ..
لكن احنا بقى دورنا فين ؟

دورنا بمنتهي البساطه في تصويت الجمهور ، لأن المسابقة فيها جزء للتحكيم وجزء لتصويت الجمهور ، والبرنامج هايتذاع ان شاء الله كل جمعة
الساعة :
21:45
على قناة :
أبو ظبي
برنامج أمير الشعراء

يعني يا ريت يا جماعة بالإضافة للدعاء شوية رسايل للراجل يدعموه وبلاش البخل ده .. على الأقل دي حاجه أهم بكتير من ستار أكاديمي والحاجات الهبلة اللي كانوا بيعملوها دي وبلاش بقى أنا معاك بقلبي ومعاك بمعنوياتي لا يا خويا انت وهو معنوياتك مش هاتعمل حاجه خالص
.

23 comments:

مدونة كسبان said...

ازيك يادرش
مش ياراجل
تستأذن من أشرف
قبل ماتاخد الصوره
.......
المهم
ربنا يكرمه ويكسب
وان شاء الله معاه

مدونة كسبان said...

نسيت أقول لك
ان موضوع التدخين ده جامد
ومستنين ياسى دى الجزء التانى

Ana keda said...

السلامو عليكم

ازيك يا درش ايه الاخبار كويس انك قلت على الميعادلان اشرف باين مقالش امتى بالظبط
ان شاء الله هبقى اعمل تصويت
وربنا يباركبقى فى الاهل الى هيشحونولنا
حبيت بس امسى

david santos said...

The Summer arrived. We go to wait that it brings light. That it brings hope. That it brings peace. That it brings the end of the curse.

shahy said...

ماشي كلامك
هانصوت للشاعر المصري
مع اني عمري ماعملت كدة ولا في ستار اكاديمي ولا غيرها
بس مادام الموضوع في شعر يبقى اوكي

LAMIA MAHMOUD said...

حلو الكلام


حستناه
فين بقى الجزء التاني

على فكرة ردك على الكومنت اللي فات بيدي ايحاء بحد بيفهم

خليك فى البيت said...

ندعوكم لزيارة مدونة خليك فى البيت والمشاركة فى الحملة

نفسنا said...

ندعوكم لزيارة العدد الثانى من مجلة نفسنا

مصطفى حسان said...

مدونة كسبان :

لا يا سيدي ما تقلقش .. أشرف عامل لي توكيل عام مالكش دعوة انت بس اطلع منها .. على رأي المثل .. يا محشور بين البصلة وقشرتها

....

وشكرا على الزيارة


ana keda :

يا بني ركز وانت بتقرأ .. أنا أصلا واخد الميعاد من أشرف


david santos :

summer ??

plz leave ur comment on the topic I wrote or dont ...

thnx for visiting my blog

مصطفى حسان said...

shahy :

إنتي ليه محسساني انك بتحني على الراجل وانتي بتصوتي عليه قصدي ليه ...

بطلوا بقى البخل اللي انتوا فيه ده دي رسالة بخمسين قرش
الناس بقت وحشة ليه كده


شكرا على الاهتمام


lamia mahmoud :

ما نتحرمش ده بس من زوقك
وان شاء الله الجزء التاني هاكتبه بس انا اليومين دول مشغول بس شوية اول ما افضى هاكتبه

مصطفى حسان said...

خليك في البيت :

بس انا ورايا مشوار مهم قوي يوم 23 لازم اقعد في البيت برضه واللا إيه ؟؟

انا زورت البلوج فعلا
لكن أنا أسف البلوج بتاعتي مش قناة إعلانات ..

مصطفى حسان said...

نفسنا :

كلنا نفسنا والله ... بس انا كمان كان نفسي قبل ما تدعوني لزيارة العدد الثاني من المجلة إنك تقري البوست اللي انا كاتبه الاول وتعلق عليه عشان احس انكوا ناس بتهتموا بالآخرين قبل ما تحبوا ان الاخرين يهتموا بيكوا

وبعدين زي ما انا قلت البلوج دي مش قناة إعلانات

شكرا على الزيارة ولو اني عاوز زيارة تانية ليا انا مش عشان المجلة

تحياتي

shahy said...

ياسيدي
لا بخل ولا حاجة
امال لو كنت قلت لك مش هاصوت كنت قلت عليا اية؟

ومع ذلك برضة هاصوت
سلام

ملحوظة
عجبني قوي ردك على خليك في البيت ونفسنا

Ana keda said...

ana keda :

يا بني ركز وانت بتقرأ .. أنا أصلا واخد الميعاد من أشرف


بجد مش قادرة اوصف كمية السعادة
يبنى
يالهوووووووووووى يا جماعة انا بنت ما تركزوا بقى يعنى ينفع كده يا درش يبقى شكلى هنجت بجد

خليك فى البيت said...

ندعوكم لزيارة منتدى خليك فى البيت والمشاركة فى الحملة

مصطفى حسان said...

أنا كده :

أعتذر بشدة
عن الخطأ غير المقصود

واعمل بقى زي معظم الناس واكون مضطر اقول انه مجرد خطأ مطبعي بس مش فاهم مطبعي ازاي على بلوج .. انا اعرف ان الخطأ المطبعي ده بيكون في كتاب مثلا واللا حاجه

خطأ غير مقصود

مصطفى حسان said...

shahy :

شوفتي خليك في البيت رجع تاني

زعبله القله رجع تاني

مصطفى حسان said...

خليك في البيت :

هو إيه الحكاية

والله ما بحب امسح تعليقات حد

ومابزهقش

برضه دي مش زيارة

أحمد المصري said...

عندك حق 00ححاول إن شاء الله0

mariamagdolen new said...

هرتلة دمها خفيف على فكرة انا ان شاء الله هسمي ابنى مصطفى على اسمك بس يارب يطلع دمة خفيف زيك

S H A H said...

تسلم على التنبيه, و ان شاء الله تبقى من نصيب مصر اللقب ده زي ما كان في الاول


اعتبر ان التصويت تم خلاص

Eman Eltaher said...

صباح الخيييييييييير
أنا جيييييييييييييييييت نورت البيت طبعا
احم احم
بقى عايزنا نصوت ليه و لا نصوت عليه
ربنا ميجيبش صويت أبدا

أنا مقريتش شعر ليه فما ينفعش أصوت لحد مقريتلوش حاجة
طب على أى اساس
عموما
ربنا يوفقه بتصويت الناس اللى قريتله
و ابقى خلينا نشوفك
من غير زمارات
ههههههههههههههه

تحياتى ليك

Ahmed EIssa said...

انت فين يابني